@ 
九龍城民政處聯同九龍城區各界慶典委員會日前(16/11)合辦「慶祝中華人民共和國成立75周年 龍城迎全運 • 運動體驗嘉年華」，讓社區成員透過參與活動，更關注三個重要主題，包括國慶、愛國主義教育及迎接全國運動會。
政務司副司長卓永興 WH Cheuk 、愛國主義教育工作小組組長李慧琼、民政總署署長張趙凱渝、中聯辦九龍工作部副部長李文彬、愛國主義教育工作小組委員鄺美雲、九龍城民政專員蔡敏君、立法會議員楊永杰、九龍城區各界慶典委員會主席陳健平、九龍城區關愛發展基金主席黃意生及常務副主席李沛良連同各嘉賓出席典禮，與一眾參加者同居民共賀國慶75周年，並迎接第15屆全國運動會以及全國第12屆殘疾人運動會暨第9屆特殊奧林匹克運動會。
活動好榮幸邀請到鄺美雲連同18位年青人獻唱《我們的家》，為活動揭開序幕！政務司副司長卓永興喺致辭時提及期望啟德體育園落成之後，除咗可以推動體育發展之外，亦會成為香港嘅新地標，連同區內嘅啟德車站廣場同埋啟德社區會堂，為大家帶來更多休閒娛樂及體育活動，促進盛事經濟。愛國主義教育工作小組組長李慧琼分享咗關於愛國主義教育嘅推行情況。
儀式完結之後，主禮嘉賓仲一齊欣賞「AI三項全能國慶盃」嘉賓組嘅比賽，馬會騎師田泰安、希威森、湯普新 ; 田徑運動員金智武、板球運動員Tanwir Afzal 及AHMED, Ishtiaq; 傷健共融組嘅高誌樫、鄭子健及鄭士隆同場比賽，並喺過程中加深對國家歷史同地理嘅認識。現場嘅嘉賓同市民都為參賽者落力打氣，大家都好享受比賽嘅緊張氣氛。活動喺推廣愛國主義教育嘅同時，亦宣揚社區共融理念。
嘉年華仲設有多項全運會比賽項目、新興運動同埋AI運動體驗，更加唔少得小朋友最鍾意嘅攤位遊戲及兒童遊樂區等，吸引大批市民嚟體驗運動嘅樂趣。體驗各類攤位之後，許多市民都領取同國旗顏色一樣鮮艷嘅雪糕，大家都度過咗一個開心又有活力嘅周末！
九龍城區未來會有更多精彩嘅體育盛事，等住大家參與。約定大家到時見！
@ 