@ 
南區學生打功夫破世界紀錄！！
為咗慶祝國慶75周年以及新會商會陳白沙紀念中學50周年金禧校慶，南區民政處聯同學校以及寶芝林李燦窩體育學會喺22/11合辦咗破世界紀錄嘅中國功夫演練—— 「傳授工字伏虎拳，承繼國術創新猷」，同學仔們都紮穩馬步，流暢揮拳，以行動實踐承傳中華文化，為祖國賀壽！
喺世界紀錄協會認證官嘅見證下，超過400名中小學生同時演練工字伏虎拳，正式打破世界上最多學生同時演練工字伏虎拳嘅新紀錄！就算近日天氣稍見清涼，仍然無阻一眾苦練多時嘅學生嘅熱情！收到消息，參加者已經接受咗黃飛鴻師傅嘅傳人面授，難怪個個耍起拳嚟都功架十足，深得工字伏虎拳嘅神韻！
南區民政助理專員陳芷羚同一眾主禮嘉賓出席活動一同見證呢個破紀錄嘅時刻。助理專員喺致辭時提及到傳承中華文化嘅重要性，仲鼓勵同學仔繼續以朝氣同活力去學習中國歷史同文化，並要以身為中華兒女感到自豪！
