@ 
「大埔半馬2024」闊別4年後載譽歸來，24/11喺香港科學園開跑！響應第15屆全國運動會，今屆設多個組別賽事（包括學界組、親子組、金齡組等），吸引不同年齡及界別人士參加，推動全民運動！
響應「一年之約，主場出擊」，大埔區作為今次活動主場，當然全體出動！大埔民政專員陳巧敏親自落場參加半馬，並率領30多位大埔青年網絡成員挑戰半馬及10公里賽事；大埔區分區委員會、鄉事委員會、政府部門及不同中小學等亦踴躍參與，共有超過2000名跑手！
大埔青網成員表現繼續銳不可擋！部分成員首次參加10公里賽事，另外有10位大青成員越級挑戰半馬賽事，專員同所有成員最後憑住鋼鐵一樣嘅意志，成功完成賽事，跑出自己PB！大青隊伍仲勇奪女子組16至19歲半馬組冠軍、3公里嘉賓邀請賽亞軍及10公里隊際賽亞軍！
