@ 
報告隊長，成間戲院畀幾百隻熊貓佔據咗！
哦，睇真啲，原來佢哋係嚟陪街坊睇電影！為慶祝國慶75周年同埋慶賀「家姐」、「細佬」出世100日 ，南區民政處、南區區議會聯同地區團體一連兩日（23-24/11）包場放映《再見福寶》電影，招待超過840位南區朋友出席，包括學生、長者、有需要家庭同埋少數族裔人士等。
去片之前，民政總署署長張趙凱渝話畀大家知，福寶同我哋嘅雙胞胎寶寶原來係有親戚關係；而海洋公園熊貓飼養員Elke就同大家分享照顧熊貓嘅日常點滴；而喺有獎問答環節，當問到「熊貓嘅尾巴到底係咩顏色㗎呢？」 好多大朋友、小朋友都以為係黑色，原來白色
先係正確答案！雖然有小朋友為咗搶答，而將爆谷跌晒落地，但能夠再「領養」多一隻熊貓公仔返屋企，都感到好興奮！
先係正確答案！雖然有小朋友為咗搶答，而將爆谷跌晒落地，但能夠再「領養」多一隻熊貓公仔返屋企，都感到好興奮！多謝眾多到場支持嘅嘉賓，包括中聯辦調研員胡冬潤、立法會議員陳家佩、南區民政專員Francis、一眾南區區議員同埋南區關愛隊成員。民政助理專員Samantha日前仲聯同區議員同關愛隊成員，親自上門「派飛」畀區內劏房戶。
今次電影欣賞為「南區處處有熊貓2.0」系列活動打響頭炮，傳遞關愛，下個重頭戲就係熊貓主題節日燈飾，南區到處都會見到熊貓蹤影，大家記得要嚟「打卡」呀！
