@ 
第30屆荃灣藝術節圓滿結束 ！壓軸活動「第30屆荃灣藝術節閉幕禮暨十大過五十音樂會」尋日 (24/11) 順利舉行，荃灣民政專員區家盛到場支持及擔任主禮嘉賓 。一眾實力歌手獻唱多首家傳戶曉嘅經典金曲 ，場內氣氛熱情高漲，繞樑三日，街坊都睇得好開心 。
今屆藝術節由27/10開始至24/11結束，共舉辦13項不同類型嘅藝術文化節目，包括粵曲粵劇表演 、中樂 、書畫展 、舞蹈 、青年綜藝 、民歌，以及今屆特別加入嘅步操管樂匯演 ，參與觀眾約有一萬人次，成績斐然 。豐富區內居民文化藝術生活之餘，亦同時為不同藝術文化愛好者提供表演機會及累積舞台經驗 。
藝術節得以順利為區內居民帶來精彩嘅演出 ，有賴各合辦單位嘅悉心籌備 、地區人士及團體慷慨贊助 支持，以及荃灣藝術節統籌委員會主席馮卓能、各位副主席及委員多月來悉心策劃及安排，在此謹致以衷心謝意 。
荃灣藝術節由荃灣民政處、荃灣藝術節統籌委員會、仁濟醫院及荃灣文藝康樂協進會合辦 ，係區內每兩年一度嘅地區文化盛事，期待2026年再同大家見面。
@