@ 
中醫藥 同中國傳統養生文化歷史源遠流長，充滿中華民族智慧 。為畀市民認識更多中國傳統保健養生方法 ，沙田民政處、國民教育沙田區委員會及香港中文大學中醫學院合辦「中華養生有道 – 講座系列」活動 ，首 場講座—「中醫體質 與茶療 」及「中醫藥治療及調理常見病 – 小腿抽筋及婦女更年期問題 」分別喺9/11同23/11順利舉行。
講座邀請咗中大中醫學院專業講師為市民講解。參加者專心聽醫師講解 ，仲跟醫師齊齊搵穴位 ，問答環節亦踴躍發問 ，反應熱烈 。聽完講座更可獲贈 《中醫養生小錦囊》，收獲豐富！
最後一場講座 將於7/12喺大圍東莞工商總會張煌偉小學禮堂舉行，主題係「中醫藥治療及調理過敏性體質 – 小兒濕疹及鼻敏感 」。活動尚餘少量門票 ，有興趣嘅朋友快啲去沙田民政諮詢中心及隆亨社區中心攞飛*喇！
*名額有限，先到先得
@