@ 
1香港青年協會運動測研館開幕禮暨第15屆全運會倒數一周年。
第15屆全國運動會將於明年9-21/11舉行，係第1次由廣東、香港、澳門三地合作承辦呢項大型體育盛事，全城期待。香港青年協會日前（22/11）舉辦咗運動測研館開幕禮暨第十五屆全運會倒數一周年活動，到場嘉賓為運動員寫上心意語句打氣。大會更表示已招募500名青年義工支持，齊齊集氣，祝全運會圓滿成功！
運動測研館希望將科技融入運動，以運動遊戲連結社區。透過科技同數據令市民對自己嘅身體機能有更深入了解。深水埗民政專員黃昕然藉此機會鼓勵大家全力支持全運會，為一眾運動員加油打氣。祝願運動健兒全力爭標！
同場主禮嘉賓包括香港青年協會副總幹事呂慧蓮、香港欖球運動員李卡度、香港手球運動員謝永輝、香港手球運動黃澤橋、香港足球運動員梁冠聰及香港女子沙灘排球教練黃俊偉。
2唱作願景2024 - 全港中學作曲唱作比賽
青年人多才多藝，臥虎藏龍。有個可以畀佢哋發揮所長、實現理念嘅舞台十分重要。今年全港中學作曲唱作比賽嚟到第5屆，而總決賽就喺日前（24/11）完滿結束。
參賽者紛紛演繹自己創作嘅歌曲，才華滿溢。當中嚟自惠喬英文中學嘅何嘉嗚同學以「腳踏馬蹄 」一曲勇奪亞軍，恭喜哂。而冠軍同季軍分別係余振強紀念第二中學嘅黃嘉儀同學同顯理中學嘅黃子龍同學。
願景基金會主席暨深水埗西分區委員會主席麥家榮更與歌手丘芷微合唱，大家都大飽耳福。
活動由願景基金會主辦，同場主禮嘉賓亦包括民政及青年事務局 Home and Youth Affairs Bureau青年專員陳瑞緯、深水埗民政專員黃昕然、青年發展委員會副主席梁毓偉及願景基金會會長甄韋喬。
@ 