@ 
政府啱啱宣佈，大熊貓安安同可可好快就可以同大家見面啦！南區民政專員Francis、助理民政專員Samantha同埋一眾南區區議員琴日(27/11)好開心、好榮幸，獲海洋公園行政總裁Ivan邀請，齊齊入園同兩隻超可愛大熊貓見面，親密互動一番！
一去到佢哋屋企，安安即刻大步行過嚟歡迎大家，仲好舒服咁瞓落地下攤開雙腳，大大啖咁咬竹筍
，仲食到周圍都係，大家都話佢非常「麻甩」。再行入啲，就發現細細粒嘅可可匿喺個窿入邊食緊紅蘿蔔。可可見到咁多人嚟探佢，畀大家嘅誠意感動，好優雅咁行出黎，坐上為佢特設嘅寶座，一邊細細啖品嚐美食、一邊用眼神含羞答答咁同大家交流。同一時間，安安驚我哋悶，即興表演「功夫熊貓」，雙手撈起成堆竹葉，「狂風掃落葉」咁一邊揮舞、一邊大啖食，引嚟大家發笑同鼓掌。
，仲食到周圍都係，大家都話佢非常「麻甩」。再行入啲，就發現細細粒嘅可可匿喺個窿入邊食緊紅蘿蔔。可可見到咁多人嚟探佢，畀大家嘅誠意感動，好優雅咁行出黎，坐上為佢特設嘅寶座，一邊細細啖品嚐美食、一邊用眼神含羞答答咁同大家交流。同一時間，安安驚我哋悶，即興表演「功夫熊貓」，雙手撈起成堆竹葉，「狂風掃落葉」咁一邊揮舞、一邊大啖食，引嚟大家發笑同鼓掌。「家訪」完安安可可後，大家就踴躍喺精品店幫襯各種熊貓手信，買啲可愛熊貓精品畀屋企人同朋友。每人拎住一大袋戰利品，大讚抵買。
行程最後一站仲去埋海洋公園咖啡店，品嚐各款熊貓主題甜品同泡沫咖啡，味覺視覺雙重享受！
安安、可可已經適應咗香港嘅生活。佢哋能夠咁快適應新環境，全靠海洋公園幾位勞苦功高嘅熊貓飼養員每日悉心照顧，令佢地可以開開心心生活、健健康康成長！
除咗可以喺海洋公園見到熊貓新成員，嚟緊南區都會有一系列精彩熊貓主題活動！密切留意最新消息喇！
