@ 
由中西區民政處主辦及鄰舍輔導會融方少數族裔外展服務隊承辦嘅「中西區地區為本種族融和計劃 」正陸續舉行一系列多元嘅活動，當中包括放鬆工作坊及流動展覽。
「放鬆工作坊」由導師帶領參加者學習一啲簡單嘅舒壓運動，以及喺屋企都可以做到嘅簡單練習放鬆身心。工作坊當日(21/11)有家長帶同佢哋嘅小朋友嚟參加，齊齊學習鬆一鬆。導師鼓勵參加者學以致用，透過舒緩運動做個開心快活人。
另外，一架搶眼奪目嘅大型流動展覽車喺9月開始遊走中西區內唔同地方，向市民介紹非華語居民嘅生活同藝術文化。參觀者可透過親身體驗，達致種族及社區共融。
@