@ 
由香港海關主辦嘅「領犬執法及搜查能力建設工作坊」今日（十一月二十九日）圓滿結束。
香港海關去年六月成立世界海關組織「地區犬隻訓練中心」，繼今年三月舉辦一連三日嘅「世界海關組織第六屆全球犬隻論壇」後 今次第二炮嘅「領犬執法及搜查能力建設工作坊」亦非常成功 總結過去四日，成功匯聚 37 位來自 14 個海關成員（包括內地及其他亞太區國家) 及世界海關組織代表，共同就關注嘅犬隻議題深入討論同分享經驗 成果豐碩。
短短幾日，參加者已經參觀哂香港海關於海陸空 不同嘅執法地點，了解不同模式嘅清關工作 ️當然唔少得參觀香港海關嘅「地區犬隻訓練中心」 欣賞搜查犬示範 了解香港海關搜查犬課喺領犬工作嘅成就同最新發展
今次嘅工作坊行程非常豐富 亦進行咗好多好有建設性嘅討論 特別係圍繞新興走私趨勢同運用創新科技嚟應對領犬執法嘅挑戰 令人受益非淺 大大提升咗各海關領犬單位嘅專業水平同協作
