防火種@北區

踏入風高物燥嘅季節，山火嘅風險亦隨之增加。

北區防火委員會聯同政府部門，早前展開咗一連串工作，減低北區發生火警嘅風險。由8月開始，防火會舉辦咗多項防火宣傳活動，包括「消防安全創作比賽」，向年輕一代傳遞防火信息；又聯同消防處、消防安全大使名譽會長會同北區民政處向掃墓人士同村民派發防火宣傳單張，提醒掃墓人士小心火種；防火會更聯同消防處同北區民政處一齊派發「防火3寶」畀區內「三無大廈」住戶。