@ 
深水埗民政處年度亮點活動：慶祝中華人民共和國成立75周年—別出「深」裁時裝設計比賽日前(29/11)圓滿結束！
大會特意以「國潮」為主題慶祝國慶75周年，結合中國傳統文化同新時代流行文化，彰顯中華文化嘅自信同創新。12名晉身總決賽嘅參加者更首次以AI技術幫助生成專屬「國潮」服飾，加上喺星級時裝設計師指導下，將設計意念一針一線縫製成作品。歡迎大家留言分享最鍾意邊件得獎作品！
別出「深」裁時裝設計比賽嚟到第四屆，好高興得到時裝業界認同，成為時尚高峰（香港）2024嘅重點項目之一。
今年冠、亞、季軍得獎者分別為李子聰、黃悦嫣、及譚巽蕎，而最具創意獎、最具商業潛力獎同最貼合主題獎則分別由李子聰、李倚曼、陳一雅獲得，各位都實至名歸，恭喜恭喜！比賽亦係今年青年節活動之一，我哋希望參賽嘅青年設計師可以透過呢次比賽登上更廣闊嘅舞台。
隨著DX設計館 即將喺3/12開幕，深水埗區喺推動創意產業發展及培育年青設計師上都會有更大嘅發展空間。未來，深水埗民政處會同業界繼續合作，為設計產業注入更多動能。
活動好榮幸邀請到民政及青年事務局 Home and Youth Affairs Bureau局長麥美娟、青年發展委員會副主席梁毓偉、深水埗民政專員黃昕然、深水埗區青年發展及公民教育委員會主席甄韋喬、製衣業訓練局主席鄭文德及亞洲新一代創意設計協會創會主席何國鉦頒獎。
活動由深水埗區青年發展及公民教育委員會同亞洲新一代創意設計協會合辦、深水埗民政處協辦、民政總署贊助。
