@ 
1 油尖旺民政處今日（2/12）聯同“油尖旺推廣’一國兩制’委員會”合辦第四屆國家憲法日青年座談會，區議會同香港十大傑青協會為支持機構，今年仲加入愛國主義元素。
全國人大常委會香港特別行政區基本法委員會委員、立法會議員李浩然博士今年再次擔任主講嘉賓，溫建浩律師擔任嘉賓主持，同近200名同學生動分享。
油尖旺民政專員余健強同委員會主席魏麗霞多謝兩位講者，亦多謝主禮嘉賓中聯辦九龍工作部副部長祝小東、港區全國人大代表徐莉、區議會社參會主席楊子熙以及活動主委陳正寧醫生。
2 上星期六（30/11），西分區委員會主席丁天佑和區議員歐楚筠帶區內不同族裔青少年，率先去探訪中央最近贈港嘅一對大熊貓。前滅罪會主席陳香蓮都有帶旺角少訊去。
同日，香港菁英會公益事務委員會亦贊助100名油尖旺街坊，入海洋公園遊覽。多謝曬。
3 上星期五同六（29-30/11），民政處贊助傲楹藝術教育慈善基金喺"梁顯利" 舉辦油尖旺”歡樂今宵”音樂劇場。
故事設定喺五、六十年代嘅油尖旺，以廟街、榕樹頭同果欄做背景，畀大家了解舊時嘅油麻地。
@