@ 
近排天氣開始轉涼，正正係參加戶外活動嘅好時機！中西區民政處聯同中西區校長聯會舉辦「中西區青少年戶外學習之旅2024」，為區內小二同中一學生提供半日嘅戶外學習體驗。
活動喺11月尾至12月初陸續舉行，由海洋大使帶領9間區內中小學嘅師生到香港海洋公園參加導賞活動。學生透過遊覽「大熊貓之旅」、「海洋奇觀」、「熱帶雨林天地」、「北極之旅」同埋「熱帶雨林探險徑」等展館，了解動物點樣利用獨特嘅身體特徵適應唔同嘅環境，以及人類活動對自然環境嘅影響。
同學們喺活動中透過細心觀察，探索到同各種動物持續共存嘅方法！佢哋都表示今次嘅活動除咗增長咗佢哋對野生動物嘅認識外，仲令佢哋學識咗保護環境嘅重要性！
