@ 
各個政府部門及公營機構嘅防災應急隊伍29/11雲集喺城門水塘麥理浩徑山嶺各處 ，參與由消防處舉行嘅跨部門山火暨攀山拯救演練 。荃灣民政處及葵青民政處派出值勤嘅地區緊急事故協調中心隊員，喺演練中擔任協調角色，模擬向受災人士提供支援服務 。
荃灣民政助理專員關俊傑、葵青民政助理專員温悅婷、荃灣防火會主席馮卓能、葵青防火會主席黃進輝，聯同一眾 荃灣及葵青防火會委員及 關愛隊隊員應邀出席，並與各防災應急隊互相交流 、了解各部門及機構嘅協作 ，從而提升日後應對緊急事故嘅能力。消防處助理處長(新界南)許偉明亦向地區代表分享消防處處理緊急事故嘅經驗。
演練模擬山嶺多個位置發生山火 ，大批行山人士喺逃生時迷途 、受傷及骨折、手提電話冇訊號 等突發情況 。參與演練嘅應急團隊需要喺咁緊急嘅災難中，互相協調 、指揮 、通訊 及互相支援 ，真係好講求效率同合作性 。
參與演練嘅隊伍來自消防處 、警務處 、漁農自然護理署 、政府飛行服務隊 、醫院管理局 、民政事務處、社會福利署、民眾安全服務隊 及醫療輔助隊等。
民政處、地區防火委員會及關愛隊將於未來繼續「荃」心全意 ，「葵」手做好防火防災宣傳，同心協力 做好應急準備工作 。
@ 