@ 
觀塘區議會一直致力宣傳政府青年政策及推動區內青年發展 ，觀塘民政專員兼區議會主席何立基、觀塘區議會青年委員會主席鄭強峰及一眾觀塘區議員今日（3/12）去咗裕民坊設置街站宣傳民政及青年事務局 Home and Youth Affairs Bureau 推出嘅HKYouth+青年手機應用程式 。
HKYouth+係一個以香港青年為本，集最新青年發展資訊同青年活動於一身嘅綜合平台 ，仲有好多唔同嘅優惠 。而下載HKYouth+同登記成為會員都係費用全免 ！
觀塘區議員藉住呢個機會向街坊派發宣傳單張介紹應用程式嘅功能，仲向即場登記成為HKYouth+會員嘅街坊送出由民青局設計嘅精美紀念品 。
觀塘區議會會繼續協助民青局宣傳不同嘅青年項目，並配合《青年發展藍圖》 入面嘅政策推動區內青年發展
@ 