@ 
12月5日，灣仔警區助理警民關係主任歐鎮銘督察應灣仔青年聯會邀請去到香港專業教育學院 - 摩理臣山分校出席咗一個分享環節。
歐sir 提及自己年輕時就與壁球運動結下情緣，喺認定向運動員路向發展後，就不斷透過刻苦練習自我提升，最終喺2018年亞運會壁球賽事中拿下個人金牌及團體銀牌，登上個人運動生涯嘅高峰。但係，運動生涯嘅完滿不代表人生目標嘅終結，歐sir 分享自己接續投考警務督察嘅其中一個原因係希望接受新嘅挑戰，佢認為警務工作好多元化同具備挑戰性，自己亦喺工作當中獲得好大嘅滿足感。
歐sir希望透過自己嘅成長經歷俾到同學鼓勵同啟發，讓佢哋積極發掘自我價值，為自己嘅人生努力奮鬥，亦期望各位年輕人可以加入警隊，為國家及香港作出貢獻。
@