@ 
尋日（5/12），油尖旺滅罪會主辦卓越警務人員嘉許計劃頒獎禮 。
油尖旺滅罪會主席楊詩傑多謝主禮嘉賓警務處處長蕭澤頤、立法會議員梁文廣、油尖旺民政專員余健強等，油尖旺滅罪大使蘇慧音亦有出席。
楊主席亦多謝西九龍總區指揮官吳樂俊、滅罪會成員鄭錦鐘及陳少棠、區議員歐楚筠及油尖旺區滅罪會副主席葉冠成做評委。
油尖旺滅罪會近期亦安排區內學校參觀紀律部隊設施，一共計劃舉辦17場。
上個月，油尖旺北分區委員會喺旺角花墟舉辦盆栽親子活動，一齊設計竹子盆栽，同埋用輕黏土製作熊貓公仔。主席歐天賜等喺19/11將盆栽送俾劏房戶。
北分區亦同油尖旺防火會等合作，喺29/11向大廈賓館業戶講解火警逃生知識。
今年油尖旺區防火會加入創科元素，同理工大學團隊用360度掃瞄器材為兩幢大廈掃描，配合消防安全條例嘅要求，製作立體實景圖。
完成掃描後，防火會邀請消防處同事 向業主講解大廈嘅消防安全指示要求。
