@ 
4/12係國家憲法日 周年紀念日。為增強深水埗區學生嘅憲法意識 ，全面推進依法治國，深水埗民政處日前聯同深水埗區撲滅罪行委員會喺九龍工業學校舉辦國家憲法日講座，邀請咗兩個講者從唔同角度向來自區内8間中小學嘅250位師生講解弘揚憲法精神嘅重要性，以及如何喺生活場景中知法守法。
滅罪會委員吳英鵬大律師擔任第一位主講嘉賓，以生動易明嘅例子講解憲法與「一國兩制」嘅偉大實踐 。憲法係香港繁榮穩定嘅根基，國安法同23條相輔相成，就好比窗鎖同門鎖，守護每一個家，非常重要，同學仔專心聆聽，踴躍回答問題，展現出對國家嘅熱愛同埋守護國家嘅決心。
守法精神同樣可於校園裏實踐。香港善導會嘅社工聯同更生人士分享校園欺凌嘅親身經歷同感悟，提醒同學仔辦法總比困難多，萬一不幸成為被欺凌嘅對象，應搵信任嘅人 尋找多幾個解決嘅方法，否則喺情緒壓力下作出傷害他人或犯法行為就後悔莫及。另外，講者亦提醒大家如目擊欺凌事件都唔洗驚，應挺身而出，杜絕校園欺凌。共創美好校園，你我有責。
深水埗民政助理專員馮伊婧、深水埗區區議員同滅罪會委員當日亦有到場支持活動。
@ 