@ 
聖誕新年話咁快又到，為防止不法之徒趁機犯案，屯門區撲滅罪行委員會6/12聯同屯門民政處及屯門警區舉行「歲晚冬防滅罪防騙宣傳活動」。滅罪會主席樓家強、屯門民政專員關可臨、屯門警區指揮官吳國章、一眾滅罪會委員同屯門耆樂警訊會員一齊參與。
眾人首先喺屯門市廣場向商戶同市民派發印有滅罪訊息嘅掛曆、福字揮春、利是封同其他宣傳品，呼籲商戶及市民喺聖誕同歲晚期間提高警覺，並推廣「防騙視伏APP」，宣傳防罪防騙嘅訊息。活動花車隨後喺屯門區內巡遊，並走訪順豐圍同藍地大街等地，加強鄉郊地方嘅宣傳。
賊人同騙徒手法層出不窮，大家記得提高警覺，多同親友商量，下載埋「防騙視伏APP」，提防騙子，減少罪案發生！
@ 
@