@ 
有趣又有意義嘅企業參觀活動，一浪接一浪！ 繼上次考察完亞洲規模最大嘅私營電力公司之一 ，中電集團位於沙田石門嘅中電學院，葵青區青年發展網絡(葵青區青發網)11月29日舉辦咗「影子計劃- 世邦魏理仕(CBRE)」企業參觀活動 ，畀20位同學親身體驗全球最大商用房地產服務及投資公司之一嘅真實職場工作環境 ，收獲寶貴嘅「實戰」經驗 。
活動嘅一大亮點係「影子計劃」 ，同學仔成為世邦魏理仕管理層嘅一日小助理，體驗佢哋一日嘅工作，了解跨國企業嘅運作 ，例如物業租賃 、物業估價 、土地測量 以及買賣交易 等。
除咗影子計劃，CBRE仲安排咗參觀及生涯規劃講座 ，幫同學仔認清自己嘅生涯規劃方向，為未來職業發展做好準備 。透過參觀總部辦公室及講座，同學仔了解到公司業務運作、企業歷史同文化 。除此之外，管理層仲分享咗職場嘅秘訣，例如同各國客戶溝通時，只要能夠清晰表達自己嘅意思，就唔需要過分拘泥於語法 。
經過參觀及生涯規劃講座後，同學仔都話大開眼界 ，大讚活動幫到佢哋規劃自己嘅職業生涯及人生 。
為幫助更多青年規劃未來，葵青區青發網會繼續舉辦更多參觀及生涯規劃活動 ，滿足唔同青年嘅需要，幫助大家發掘自己嘅興趣同潛力 ，及認識更多行業 。
想了解更多，記得緊貼葵青區青發網嘅Facebook (https://www.facebook.com/2021kwtydn) 同 IG (https://www.instagram.com/kwt_ydn/) ！唔好錯過我哋嘅活動喇！
活動由葵青民政處、葵青區青年發展網絡、葵青區青年發展及公民教育委員會合辦，荃灣葵涌及青衣區中學校長會支持，並由新界青年聯會擔任伙伴機構。
@ 