@ 
萬眾期待、一年一度嘅「仁濟慈善盆菜宴」12月6日順利舉行 適逢今年係活動15周年紀念，荃城坊眾一呼百應，成功刷新紀錄，喺荃灣沙咀道遊樂場筵開655席，匯聚超過6,550位善長仁翁，共享熱辣辣 嘅盆菜盛宴 ，場面壯觀又熱鬧 荃灣民政專員區家盛同一眾荃灣地區人士共聚一堂，歡度愉快嘅晚上。
活動除咗為「仁濟永強全癱病人基金」籌募經費 外，亦凝聚區內多個主要社團，包括荃灣區議會、圓玄學院、荃灣商會、荃灣鄉事委員會、馬灣鄉事委員會、荃灣各界協會及新界社團聯會荃灣地區委員會等鼎力支持 ，發揮為善最樂 精神，意義非凡 ！
參加者透過慈善盆菜宴送暖傳愛 ，畀更多有需要人士受惠，為寒冷冬日 增添暖意。大會特別邀請咗表演嘉賓載歌載舞 ，喺區內璀璨嘅節日燈飾映照下，熱爆全場 。
