@ 
1、「Winter Transform」熊貓裝置@裕民坊
市區重建局於前日（6/12）晚上喺觀塘市中心自由空間舉行咗「Winter Transform」熊貓裝置亮燈儀式 ，全力打造熊貓經濟。發展局 Development Bureau局長甯漢豪、立法會議員鄧家彪同埋顏汶羽、觀塘民政專員何立基、市區重建局行政總監韋志成、信和集團資產管理董事蔡碧林主持亮燈儀式，連同二十多位觀塘區議員及市建局觀塘分區諮詢委員會委員，同觀塘各位街坊一齊迎接聖誕佳節嘅到來。
80隻可愛熊貓 裝置，喺五光十色嘅聖誕燈飾底下展示出唔同嘅造型同埋姿態，路過嘅觀塘街坊都興奮地搶住同熊貓裝置拍照打卡。 除咗去海洋公園 ，大家亦都多一個選擇，可以由而家起直至明年第一季嚟觀塘裕民坊見到熊貓同打卡 。配合埋觀塘民政處及區議會嘅立體觀塘裝飾同大型聖誕新年霓虹燈畫，裕民坊嘅夜空變得更亮麗耀眼 。
2、海鮮節 @鯉魚門
鯉魚門係中外著名旅遊景點， 除咗海鮮出名外，仲有歷史建築物 、天然美景 、地道小食 、熱情村民。為期三個月，盛大嘅「鯉魚門海鮮節」就喺今日（8/12）正式開幕。
政務司副司長卓永興 WH Cheuk、立法會議員姚柏良同顏汶羽、旅遊事務專員張馮泳萍、觀塘民政專員何立基、中聯辦九龍工作部處長吳小玔，今日亦到鯉魚門一同主持海鮮節 嘅開幕典禮。
卓永興致辭時表示 ，為繼續促進本港旅遊業 發展，行政長官喺今年《施政報告》中提出成立「發展旅遊熱點工作組」 ，政府會善用本港豐富 同獨特嘅資源 ，以創新思維 將香港打造成為旅客嘅首選 旅遊目的地。
今屆海鮮節由而家起至2025年2月底，相信可以提振地區經濟，並讓大家大飽口福 。現場仲布置咗好多以海鮮為題 嘅燈畫同裝飾 ，大家快啲把握機會嚟打卡嘆美味海鮮啦
