@ 
上星期有提過北區防火委員會同政府部門喺防火方面嘅合作，北區防火會近排又出動宣傳防火意識啦！
北區防火會同消防處同北區民政處合作，一連兩個星期五安排區內嘅小學生參觀將軍澳消防及救護學院，兩日加埋有近100位師生同埋北區防火會委員參加，北區民政專員賴子堅亦都參加咗6/12嘅活動，同鳳溪第一小學嘅同學一齊參觀添！
各位團友喺參觀期間都十級興奮，消防哥哥詳細介紹學院入面唔同嘅訓練場地，好似高空拯救、坍塌搜救、模擬飛機事故現場等，仲有水上事故訓練場嘅急流示範同埋喺模擬鐵路站「百勝角站」嘅實火示範，全部都超級震撼。團友然後參觀咗學院入面嘅消防及救護教育中心暨博物館，了解消防處150幾年嚟嘅歷史，仲睇到好多以前救火救人嘅裝備添！今次嘅活動讓團友更加了解同敬佩消防同救護嘅工作，仲有更加明白防火嘅重要性！
