@ 
深duck仔上星期去咗賽馬會創意藝術中心(JCCAC) ，見到好多經典港漫人物同新晉插畫師。
過去十日 (29/11-8/12)「漫」有引力 - 港漫深技能喺JCCAC舉行。多個本地漫畫同卡通IP破天荒同場擺設主題展覽同工作坊。唔單止有70-80年代嘅《龍虎門》、《中華英雄》(仲有華英雄嗰把赤劍)、《老夫子》、《新福邇摩斯》，仲有Chocolate Rain 同B.Duck小黃鴨等。除咗畫作同模型外，仲可以睇到各個品牌跨行業嘅展品，亦有同王澤老師嘅老夫子漫畫、呂壽琨大師嘅新水墨畫聯乘嘅時裝設計，內容豐富。
活動設有座談會，邀請咗浸大教授、導演兼時裝設計師Karen Chan、B.Duck創辦人Eddie同Chocolate Rain作者Prudence Mak親身講解本地原創IP如何踏上國際舞台，非常鼓舞！參加者透過多元體驗，探索港漫同插畫點樣發展，同埋咩係新質生產力。
同場亦有藝術村創作者嘅工作室同埋浸大嘅藝術科技孵化中心開放遊覽，畀大家了解融合藝術同創新技術嘅最新發展。
大家仲可以換領有我深duck個樣嘅精美禮品，期待下次再同大家見面！
開幕禮由主禮嘉賓深水埗民政專員黃昕然、深水埗居民聯會理事長陳偉明及深水埗區議會提振地區經濟專責工作小組主席黃俊雄陪同立法會議員梁文廣、陳凱欣、鄭泳舜、文化體育及旅遊局 Culture, Sports and Tourism Bureau多媒體科總監蘇超駿、浸大創新、轉化及政策研究院助理總監（創業）陳銳文、賽馬會創意藝術中心行政總裁侯婥琪及香港工業總會設計委員會主席張益麟出席。
活動由深水埗民政處、深水埗區議會提振地區經濟專責工作小組、深水埗居民聯會同埋賽馬會創意藝術中心合辦，香港浸會大學創新、轉化及政策研究院協辦。
