@ 
由全港青年學藝比賽大會、九龍城民政處同九龍樂善堂合辦嘅「慶祝中華人民共和國成立七十五周年－學藝節啟動禮」12月7日喺啟德社區會堂圓滿舉行。
民政總署副署長王婉蓉、九龍城民政專員蔡敏君、全港青年學藝比賽大會主席陳毅生、大會永遠榮譽會長何榮高及九龍樂善堂主席莫文韜為活動主禮，並同參與者一齊慶祝中華人民共和國成立75周年，以及全港青年學藝比賽大會成立50周年誌慶，場面熱鬧。
今年大會特設「學藝節」作為金禧紀念活動，從社區層面推廣博大精深嘅中華文化，涵蓋書法、象棋、粤曲、醒獅、古典詩詞朗誦同埋國畫等範疇 ，提升青年對中華藝術文化嘅了解同興趣。
啟動禮由第49屆全港青年醒獅比賽中學自選陣式組冠軍佛教何南金中學揭開序幕。大會評判陳興及黃惠貞其後帶領「學藝大使」同75位學生即席揮毫，以毛筆書寫「學藝」、「中國心」同埋「樂善好施」，以表達對祖國成立75周年嘅祝福。
展望未來，民政處期待與各方繼續緊密合作，努力培育更多愛國愛港嘅新一代。透過舉辦更多不同類型嘅活動，我哋希望鼓勵青年厚植家國情懷，砥礪強國之志，為國家及香港作出貢獻。
@