@ 
由綠戰隊主辦、九龍社團聯會黃大仙地區委員會及綠悠坊合辦、黃大仙民政處贊助嘅「綠Seek黃大仙2024」系列活動結業禮尋日(8/12)喺黃大仙文化公園順利舉行 ！黃大仙民政專員Thomas、環保署高級環境保護主任區慧怡、綠戰隊主席黃業坤及一眾地區領袖出席主禮儀式 。
今次活動以「綠Seek黃大仙」為主題 ，回顧過去一年綠戰隊喺推動環保教育及可持續發展方面嘅工作 ，包括舉辦有機農莊參觀活動 、低碳食物及環保手作工作坊 、生態旅遊以及互動攤位活動等 ，從中教育市民保護環境同珍惜資源嘅重要性 ，齊齊實踐低碳生活 。
黃大仙民政處會繼續同地區團體推動源頭減廢及循環再造 ，提升市民嘅環境保護意識 ，為我哋下一代締造一個更宜居、可持續嘅環境
