@ 
1、觀塘區說好《憲法》及《基本法》同樂日
為響應4/12「國家憲法日」呢個特別嘅日子 ，觀塘民政處聯同觀塘區青年發展及公民教育委員會喺前日（7/12）舉辦「觀塘區説好《憲法》及《基本法》同樂日」 ，活動得到觀塘區議會大力支持。
政制及內地事務局副局長胡健民、中聯辦九龍工作部社工處處長吳小玔、觀塘民政專員何立基，聯同觀塘區青年發展及公民教育委員會主席李誌峰等嘉賓出席主禮 。副局長致辭時表示現場嘅攤位遊戲可以讓參加者加深認識同了解《基本法》，副局長更希望市民會善用《基本法》，喺法律框架下積極 面對社會同經濟上嘅挑戰，從而讓社會更加進步，經濟更加繁盛。
同樂日透過憲法展覽 同有趣嘅攤位遊戲 ，以輕鬆互動嘅形式，讓市民認識到《憲法》係國家嘅根本法，確保國家穩定同公民基本權利，而《基本法》為香港特別行政區嘅運作提供咗法律框架，保障「一國兩制」嘅實施。
觀塘區學校同地區團體及青年亦於同樂日上呈獻精彩嘅音樂 、魔術 、棟篤笑及舞蹈表演 。除咗讓居民欣賞到精彩表演節目之餘，更為區內嘅青年朋友提供咗一個發揮才華同學以致用嘅機會 ！
2、「樂活觀塘2024」健康日
喺尋日（8/12），觀塘民政處、觀塘健康城市督導委員會與基督教聯合那打素社康服務合辦「樂活觀塘2024」健康日，推動心理健康教育 及提升個人身心靈健康 。
觀塘民政專員何立基、中聯辦九龍工作部副處長余慶、觀塘區議會社會福利及婦女發展委員會主席符碧珍及食物環境衞生委員會主席譚肇卓、觀塘健康城市督導委員會主席周偉強醫生同工作小組主席何炳恩以及基督教聯合醫務協會總幹事陳美璐，齊齊主禮 ，為社區注入滿滿嘅健康正能量 。
健康日氣氛熱鬧 ，除咗設有以 「互動園藝放鬆體驗」及「五式快樂飲食」 為主題嘅講座，吸引關注健康嘅居民參加，同場仲有精彩 舞台表演 同舒壓攤位遊戲，鼓勵居民擁抱健康人生。
