《香港四徑大步走》全院滿座@大埔毅行

大埔青網9/12舉辦咗「香港四徑大步走」電影欣賞會及大埔毅行圖片展，全院滿座！大埔民政專員陳巧敏帶領大埔8間中學、1間長者綜合服務中心，超過130名師生、老友記同地區人士參與；仲請到星級山藝教練KK Sir陳國強（四徑生還者）同Eric梁偉業（四徑完成者）擔任活動分享嘉賓！

同學仔同其他參與者都話睇完套電影同圖片展後，充滿正能量！所有人面對困難都會經歷「唔想試」、「好辛苦」、「想放棄」……我哋都係透過自己嘅軟弱見證自己嘅強大！真正嘅成長，係以毅力克服挑戰，跨越心中嘅大山，從而認識真正嘅自己！