@ 
踏入12月，周圍都充滿節日氣氛，約朋友去邊玩好呢？屯門冬日舞動音樂遊藝會將於15/12下午1-6點喺屯門天后廟廣場舉行。免費入場，無須預先登記。紀念品相當豐富，保證大家滿載而歸。
遊藝會節目內容精彩，包括有嚟自區內外多間中小學及幼稚園共同呈獻嘅舞蹈表演同埋歌手獻唱！表演期間，舞台更加會有飄雪效果，「打卡」一流。除咗坐定定欣賞表演之外，當日下午2點及3點更加有「全民舞動日」環節，由專業舞蹈老師帶領大家學習簡單舞步，一齊享受跳舞嘅樂趣。另外，現場亦有多個冬日主題手作及特色運動體驗攤位！
期待15號同大家見面，約實你哋喇！
