@ 
中西區民政處同中西區防火委員會一直聯同消防處及地區團體，舉辦各式各樣消防安全教育活動，提高居民防火意識以應對危急情況。今年嘅重點活動「慶祝中華人民共和國成立七十五周年及第十四屆中西區區節活動系列—中西區消防設備展覽暨親子嘉年華」已經喺8/12順利舉行！
當日嘅節目豐富，除咗有攤位遊戲同手工藝活動，街坊仲可以近距離同消防及救護電單車「打卡」、親身了解消防同救護設備；小朋友亦可以試着迷你版黃金戰衣，化身小小消防員，一家大細樂也融融！
當日亦舉行咗「中西區防火宣傳標語創作比賽」及「中西區防火宣傳海報填色比賽」頒獎典禮，各組別嘅精彩得獎作品喺場內展出。恭喜各位得獎同學！
一眾主禮嘉賓出席典禮儀式後同街坊一齊欣賞精彩嘅舞台表演，包括中國武術示範、中樂坊演奏、花式跳繩同少數族裔舞蹈表演等，非常熱鬧！中西區民政處同中西區防火委員會未來會繼續舉辦唔同活動，喺社區推廣防火救人嘅信息！
