@ 
由灣仔區防火委員會、灣仔民政處同香港消防處合辦嘅 「2024社區應急防火嘉年華@灣仔」12月7日順利舉行 。
中聯辦港島工作部副部長尤斌、消防處代表、防火會主席周潔冰、副主席王家揚、活動召集人李幗喜、副召集人蔡宏基聯同灣仔民政處代表為活動主禮，揭開序幕 。
當日除咗有不同政府部門同灣仔區消防安全大使名譽會長會等團體安排嘅精彩攤位遊戲 ，更有舞台表演、爆谷攤位 、手動自製襟章、消防車 、救護車同裝備展覽，仲有消防處示範「應急三識」、「AED」、「CPR」同最新推出嘅「逃生頭套」，示範十分精彩，亦成功令市民對社區應急嘅概念有初步認識。小朋友可以試穿消防員制服，喺消防車前打卡 ，現場人頭湧湧，非常熱鬧。大家玩得開心投入，亦更了解政府推廣社區應急及防火安全嘅工作。
灣仔民政處同灣仔區防火會會繼續舉辦各類社區參與嘅防火活動，攜手合作，保障生命，從學習防火安全開始！
@ 