@ 
提起粵劇，一定會諗到新光戲院。佢喺北角屹立50年，除咗係中國傳統文化嘅傳承，亦係香港人嘅集體回憶
有見及此，東區民政處及東區區議會喺新光戲院舉行「戲寶璀璨 ‧ 粵韻東區」系列活動，並於11/12正式開鑼當日下午，東區民政專員兼東區區議會主席陳尚文聯同一眾區議員，仲有醒獅隊向街坊派發活動紀念品，宣傳北角約60間支持商戶提供嘅飲食同零售消費優惠，提振地區經濟，一齊「日夜都繽紛」。
當晩，民政及青年事務局 Home and Youth Affairs Bureau副局長梁宏正及一眾主禮嘉賓為一連兩晚嘅粵劇晚會《蝶影紅梨記》及《紫釵記》掀開序幕！專員仲聯同關愛隊一齊帶領老友記們，由屋企出發去新光戲院欣賞佢哋致愛嘅粵劇表演，盡顯關懷。
首場嘅粵劇工作坊亦喺12/12成功舉行。一眾參加者由導賞員帶領參觀劇院後台重地、數碼電影院及懷舊展覽，並近距離觀摩小生花旦嘅功架示範、體驗戲服穿戴、學習使用道具等，有嘢學有嘢玩，大家都非常盡興。
上述系列活動亦係「東區文化節」嘅頭炮節目，詳情請瀏覽最新推出嘅「東區文化節」專題網頁
https://easterncf.com
