@ 
南區民政處連同南區區議員早前成立咗「南區大廈管理合作小組」，提供一個平台畀大家商討如何協助大廈管理求助個案，一齊努力為居民解決問題。小組成立幾個月以嚟，成功處理咗唔少個案，其中一宗更涉及破紀錄、長達8小時「馬拉松」式嘅法團會議！藉着小組，南區區議員跨黨派、跨界別協作，無論係委任、地區委員會界別以至直選嘅議員，都同樣積極做好大廈管理嘅支援工作
以下係一啲較有代表性嘅個案分享：
* 大廈老化，滲水問題往往令居民「瞓唔安，食唔落」，喺李嘉盈同黃才立區議員努力下，最近成功幫一位獨居伯伯揾到滲水源頭，解決困擾多時嘅問題
* 一個大型私人屋苑嘅法團同業主就維修招標發生糾紛，趙式浩區議員化身和平使者，主動安排雙方多次會面，促進對話，令雙方心可平氣和、理智冷靜咁解決問題，重新建立信任
* 獨居長者收到屋宇署嘅工程命令後或會不知所措，朱立威及何沅蔚區議員體貼長者嘅需要同徬徨無助嘅心情，即時進行家訪，並為老友記填寫維修津貼申請表格。
* 喺兩個中型私人屋苑，蕭煒忠同張展聰區議員就分別視察需要強制維修或還原嘅單位，幫手尋求法律意見，同部門緊密溝通，召開會議促使法團同業主達成解決方案。
* 張偉楠區議員嘅努力協調同樣大有成效，面對區內大型屋苑居民不斷向法團投訴大廈因老化而產生嘅問題，佢牽頭組織多次實地視察同會議，成功令法團同業主達成協議。
* 本身係工程師嘅陳郁傑區議員就利用專業知識同經驗協助居民，包括為居民細心分析大廈維修工程項目嘅可行性同成本效益，保障居民嘅利益。
* 身為律師嘅劉毅區議員早前聯同民政處出席咗法團會議，即場為法團、管理公司同業主提供法律意見。由於開會期間各持不同意見，並且涉及多次投票，會議最終歷時8小時。劉議員全程留守，連進食時間都冇，幸好最後會議順利完成
南區區議員一向實事實幹，努力裝備自己，早前各區議員連同助理一同踴躍出席由民政及青年事務局 Home and Youth Affairs Bureau局長麥美娟主講嘅「2024年建築物管理（修訂）條例簡介會」，加深認識修訂內容。
所謂民生無小事，大廈管理涉及多個專業範疇，可嚴重影響居民生活，南區民政處同區議員往後會繼續努力為大家解難，提升社區幸福感
@ 
@