@ 
12月14日灣仔區道路安全運動委員會 鄧偉猷副主席及委員，聯同灣仔耆樂警訊，聖公會聖雅各小學及少數族裔嘅朋友仔一齊參加【沙田巴士廠及香港鐵路博物館一日遊】活動！
上午首先大家去咗沙田KMB巴士廠參觀，過程中，大家除咗坐响巴士暢遊車廠外，更一睹巴士洗車過程、認識巴士維修，同時，導賞員講解咗九巴設計點樣應對環境保護，仲可以近距離看到一架架古董巴士，以及認識各型號嘅歷史等等。
下午嚟到前身為舊大埔墟火車站嘅香港鐵路博物館。舊大埔墟火車站於1984年列為古蹟，經修復後成為一所戶外博物館，並於1985年開放。博物館主要介紹香港鐵路交通的歷史和發展，除咗保留傳統中國式建築嘅舊車站同埋過往舊鐵路嘅各種設備外，亦展出咗窄軌蒸汽火車頭、柴油電動機車和6輛歷史車卡。
今次參加咗一日遊嘅朋友仔，不但認識咗呢種歷史悠久嘅公共交通工具，亦都加深了解咗香港交通嘅歷史。通過呢個活動，大家要緊記：道路意外，香港人人愛。
