@ 
黃大仙民政處聯同地區團體喺今個星期一連兩日（14/12-15/12）舉辦多個以青年及老友記為題嘅活動 ，一齊回顧吓活動點滴啦 ！
1、Raise YOUTH up@全人躍動‧分享成果暨黃大仙青年發展及公民教育活動閉幕禮
黃大仙區青年發展及公民教育委員會同10個區內青少年服務機構合辦嘅「Raise YOUTH up@全人躍動‧分享成果暨黃大仙青年發展及公民教育活動閉幕禮」尋日(14/12)喺樂善堂王仲銘中學圓滿舉行 。呢個青少年旗艦活動已經連續舉辦咗12年啦 ！活動邀請本區青年參與唔同嘅工作坊，包括舞蹈 、唱歌 、手工藝 、跑步 、新興運動等等，以協助佢哋探索自己嘅潛能 ，再透過佢哋同區內居民分享所學到嘅技藝 。
黃大仙民政專員Thomas、社會福利署黃大仙及西貢區福利專員吳偉龍、黃大仙區青年發展及公民教育委員會主席彭穎生、計劃召集人陳嘉文及李宛頴到場見證同學仔努力嘅成果 。
2、2023-2024 年度黃大仙文志獎學金頒獎典禮
由文志基金主辦、香港黃大仙工商業聯會、黃大仙區學校聯絡委員會、黃大仙區中小學校長會協辦、黃大仙民政處贊助嘅一年一度「黃大仙文志獎學金頒獎典禮」尋日(14/12)喺佛教孔仙洲紀念中學圓滿落幕 ！
民政及青年事務局 Home and Youth Affairs Bureau副局長梁宏正、黃大仙民政專員Thomas、文志基金創辦人楊志雄同周文仁、教育局總學校發展主任(黃大仙)馮俊文、香港黃大仙工商業聯會常務副會長陳淑貞、黃大仙區學校聯絡委員會主席郭文坤校長及一眾學校代表蒞臨主禮 ，嘉許區內品學兼優嘅同學仔 ，並鼓勵佢哋繼續勇於追尋夢想 ，成為有擔當嘅未來棟樑 。
3、黃大仙區健康安全城市樂齡科技@黃大仙
黃大仙區健康安全城市、黃大仙民政處、嗇色園、香港警務處、賽馬會a家、九龍中醫院聯網、黃大仙地區康健中心、香港藥學服務基金及東華學院今日(15/12)合辦「黃大仙區健康安全城市樂齡科技@黃大仙」 ，展出不同樂齡科技產品 ，並提供實地體驗以及健康講座 ，推廣居家安老嘅概念 。
一眾嘉賓，包括黃大仙區健康安全城市董事局主席史立德博士、黃大仙民政專員Thomas、嗇色園董事會主席黎澤森、伊利沙伯醫院副行政總監陳偉文等為活動揭開序幕 ，場面熱鬧。
