@ 
由民政總署贊助，北區青年發展及公民教育委員會、北區民政處及香港小童群益會賽馬會粉嶺青少年綜合服務中心合辦，北區六間青年機構協辦嘅「北區青年及公民教育節2024 - 潮藝SHOW•YOUTH XtraOrdinary」，14/12喺上水花園第一號順利舉行！雖然天氣轉冷，都無阻大家感受北區嘅熱情。
今年活動非常豐富，除咗有目不暇給嘅青年才藝表演外，仲有「好客之道」工作坊，例如面部彩繪同浮游花等，以及推廣新興運動軟式飛鏢嘅攤位同HKYouth+ App嘅宣傳攤位。香港警務處同廉政公署亦於現場設置遊戲攤位，向參加者傳遞「提防騙子」同廉潔守法嘅信息。
