@ 
由屯門區防火委員會主辦、屯門民政處及香港消防處協辦嘅屯門區防災應急同樂日暨健康安全社區展覽，14/12下午喺屯門文娛廣場舉行。屯門防火會主席梁卓賢同工作小組召集人尹耀偉，與屯門民政專員關可臨、消防處西區消防指揮官（新界北）施文煜同一眾嘉賓出席主禮，並頒發「防火安全海報設計、標語創作及圖畫填色比賽」嘅獎項，嘉許區內學生展現嘅防火安全意識同創意。
今年同樂日以防災應急為主題，有嘢玩又有嘢學，當中包括火警調查犬示範、消防及救護設備展覽、防火知識問答、健康安全社區展板同互動遊戲等，畀參與者寓學習於娛樂。活動仲有由幼稚園負責嘅攤位，鼓勵防災應急知識從小學起。
大家節日同新年期間記得小心防火，開心又安全咁過節。
@ 
@