@ 
油尖旺健康城市執行委員會同油尖旺民政處14/12喺九龍公園，合辦 “樂活健康油尖旺嘉年華”。
油尖旺民政專員余健強同委員會主席王子成歡迎主禮嘉賓：行政會議成員高永文、立法會議員林哲玄及立法會衞生事務委員會主席陳凱欣。
其他主禮嘉賓包括醫管局九龍中聯網總監張復熾、廣華醫院行政總監鄧錦成，以及中聯辦及地區康健站代表。
活動包括體檢、攤位同音樂節目等，仲派發熊貓主題紀念品，油尖旺青年網絡學員都有幫手。
活動中，委員會主席宣布成立義工隊，同時籌備健康資訊平台。
今年較早前嘅其他活動仲有：
1油尖旺區健康日：喺梁顯利油麻地社區中心舉行，由多位專科醫生主持健康講座。
2身心療癒工作坊：聯同油尖旺地區康健站，先舉辦瑜珈班，再舉辦聖誕創意烘焙班，東華三院包玉星學校及其他學校都有參加後者。
3健康樂游游：與中國香港游泳總會合辦，畀區內基層市民同少數族裔喺YMCA會所嘅室內泳池免費習泳。
4參觀醫院：安排學生參觀廣華醫院唔同部門。
感謝油尖旺健康城市督導委員會嘅意見。
@