@ 
12月15日灣仔警區喺警察總部8樓演講廳舉行咗「關愛校園領袖訓練計劃」- 茁壯前行，海南心晴之旅分享會，當中更特別邀請成功登頂珠穆朗瑪峰嘅前機動部隊校長，退休總警司 陳健國先生(Larry sir)為各港島總區嘅領袖生作分享！
今年8月份嘅時候，灣仔警區「關愛校園領袖訓練計劃」嘅一眾港島領袖生有幸獲海南省市政府邀請，喺「關愛校園之星」 符文靜女士嘅協調同埋安排下，前往當地學習交流，從而提升學生嘅領導才能同埋抗逆能力，同時亦培養出年青領袖對祖國嘅情懷。
分享會首先由Larry sir 同同學仔分享一下佢點樣喺逆境中迎難前行，將一啲正面嘅訊息同埋抗壓能力嘅技巧帶俾同學仔。之後，同學仔都分享左今次旅程嘅感想同埋難忘事，仲親手剪輯影片分享！
港島總區指揮官 郭嘉銓助理處長，亦係今次海南交流團嘅團長，勉勵同學仔共同攜手向青少年傳遞正能量，共同建設一個正向嘅校園！
