@ 
中西區海濱長廊風景優美，晚間仲有維港兩岸嘅燈飾映照，一直都係市民跑步嘅熱點！第十四屆中西區區節統籌委員會聯同中西區民政處及中西區區議會12月14日就喺中西區海濱長廊（中環段）舉辦中西區海濱歡樂跑，吸引過千人參與，享受晚間跑步比賽嘅樂趣！
中西區民政專員梁子琪、第十四屆中西區區節統籌委員會大會主席周超常、大會顧問葉振南、首席榮譽會長兼大會副主席（籌募策劃）廖齡儀、康樂體育活動總監林振風等一眾主禮嘉賓主持開幕儀式，區節籌委會成員及中西區區議員亦到場參與，場面熱鬧! 主禮嘉賓們一聲鳴槍響號，參加者一同起步，喺圍觀市民嘅歡呼聲中，全力以赴爭取獎項！
中西區海濱歡樂跑亦係青年節@HK活動之一，比賽設K挑戰盃、1.5K歡樂跑、5人隊際賽及地區盃！有參加者表示難得體驗到喺海濱長廊吹住海風、同朋友一齊喺美麗夜景下參與賽跑嘅樂趣！
今次活動展現出中西區嘅活力同市民對運動嘅熱愛，期望透過跑步活動，鼓勵市民建立恆常運動習慣！
