@ 
上星期六(14/12)，沙田民政處同沙田節日燈飾統籌委員會喺沙田公園舉辦咗一個充滿 節慶氣氛嘅亮燈晚會暨嘉年華。一眾嘉賓同400位觀眾為沙田節日璀燦燈飾揭開序幕
活動 有區內團體、學校同流行青年歌手為觀眾表演 。大家睇得開心 之餘，仲可以去沙田公園攤位玩吓遊戲 、整吓聖誕手工藝 ，食吓小食 ，一齊感受節日嘅美好時光 ！
今年嘅燈飾裝置，其中一個亮點就係瀝源橋化身成一條 彩虹橋。喺每晚6點至10點期間，每15分鐘都會進行一節3分鐘嘅動感燈飾表演，透過動態光效變動閃耀沙田，以璀璨燈光為城門河注入繽紛色彩 。無論遠睇或者係置身橋上，都有不一樣嘅感受 ！
另一個燈飾亮點，就係沙田公園及城門河畔設置用飛機 及沙田地標 概念設計嘅燈飾藝術裝置。大家觀賞燈飾嘅同時，亦可以認識更多沙田嘅歷史文化。
大家一定要過嚟沙田公園欣賞咁特別嘅燈飾同藝術裝置，仲要記得影相 打卡 同分享 畀朋友，亦可以相約遊覽沙田不同嘅旅遊地標呀！
@