@ 
葵青警區繼續 為關注學生情緒 、精神 與心理 健康，以及受朋輩 影響而誤入歧途 等問題，日前(11日)聯同 香港青年協會青年違法防治中心、 警察心理服務課及 香港律師會進行「Project GATES 」計劃。
今次到訪「天主教慈幼會伍少梅中學 」，由輝仔繼續以一位吸毒過來人嘅身份 ，向學生分享佢由朋輩影響下染上毒癮 、吸毒後遺症 、到痛改前非而成功戒除毒癮嘅心路歷程 ，並由各方專家進行心理分析 及講解毒品禍害和有關的刑事責任及後果 。
分享會生動有趣，學生們 都對內容非常感興趣 ，並踴躍就吸毒後遺症，太空油嘅禍害 等等向講者發問 。「Project GATES」團隊，將繼續到訪葵青區嘅學校，攜手 守護學生嘅身心健康。
@ 