@ 
由離島民政事處及離島區青年發展及公民教育委員會合辦嘅「離島區愛國主義教育問答比賽」日前（30/11）圓滿舉行 ！
一班中小學生喺較早前舉辦嘅網上問答初賽中脫穎而出，晉身準決賽。喺每題只有10秒作答時間嘅規則下，同學們要鬥快鬥準，一啲都唔容易！
小學組同中學組各頭三名嘅同學成功進入總決賽，一齊爭奪冠亞季軍嘅寶座。總決賽由離島區青年發展及公民教育委員會主席陳狄安主持，並以搶答形式進行。現場氣氛激烈，嘉賓同觀眾都睇得好投入 ，小學組更加要決一題先可以分出亞季軍勝負！
最後，活動由離島民政專員楊蕙心，中聯辦新界工作部處長郭展偉同埋一眾主禮嘉賓向所有得獎學生同學校頒獎，仲一齊影大合照添
今次嘅問答比賽以趣味嘅方式宣揚博大精深嘅中國文化，以及國家一日千里嘅高速發展，令參加者產生民族自豪感，讓愛國教育走入校園，從而植根於我哋下一代心中 。離島民政處將繼續致力舉辦更多有意義、多元化嘅青年愛國活動 ，弘揚愛國愛港精神 ！
