@ 
觀塘區嘅「18區日夜都繽紛」活動 ——「觀塘冬日繽紛」已經開始咗啦 ！觀塘市中心裕民坊嘅兩座打卡地標裝置已經換上新裝 ！為迎接聖誕及新年嘅來臨 ，場地增設巨型聖誕樹 。另外，霓虹燈畫加入節日元素 ，「3D KWUN TONG」裝置亦換上全新嘅燈光效果，讓大家喺觀塘區共享冬日歡樂氛圍 ，留下美好回憶！想知現場氣氛係點，即刻去片 聽下觀塘民政專員何立基嘅介紹同埋現場市民嘅反應啦 ～
「觀塘冬日繽紛」由 即日起至 年底（31/12）期間舉行，逢星期五、六、日、公眾假期、平安夜及大除夕下午5-7時，「3D KWUN TONG」大型裝置及聖誕樹前方空地將化身為表演舞台 ！活動將邀請一眾音樂愛好者現場busking ，同大家分享佢哋對音樂嘅熱情 ，並為大家帶來難忘嘅街頭音樂體驗 。誠邀市民一同到來，感受呢份音樂魅力！
演出時間將會持續更新 ，唔想錯過精彩嘅演出就㩒下面嘅連結mark定時間啦 ：
https://docs.google.com/.../13X6fs1iCReX.../mobilepresent...
