@ 
今日係廿四節氣嘅「冬至」，當然要同屋企人一齊食餐好嘅 ，「屯」團圓圓啦 ！受惠「一簽多行」政策後，商場及街上人流暢旺 ，而屯門鄰近深圳灣口岸 ，更加係非常熱鬧，歡慶滿城 ！
為咗令遊客、區內及區外嘅居民更了解屯門有咩好嘢食 、有咩好嘢玩 、有咩好嘢睇 ，屯門民政處、屯門區議會提振地區經濟專責工作小組及屯門區青年發展及公民教育委員會邀請咗一班「成功有約」 學員進行探索屯門之旅 ，用青年人角度同創意 ，喺參與活動嘅商場同商戶中揀選並撰寫感想 ，介紹屯門區內好買 、好玩 、好食 嘅熱點，加埋屯門嘅特色「打卡位」 同埋旅遊景點 ，製作咗一份以插圖形式繪劃嘅「青樂屯遊」特色地圖 。
屯門民政專員關可臨、屯門區議會提振地區經濟專責工作小組主席劉業強、屯門區青年發展及公民教育委員會副主席馮沛賢12月21日約埋一班議員及委員，以及「成功有約」學員代表一齊向市民派發地圖 。大家都話插畫形式嘅地圖好靚同生動有趣之外，青年人嘅感想亦都好新穎 ，會趁佳節期間，好好跟住呢張地圖去發掘 同認識屯門，食下買下嘢，同時提振地區經濟！
@ 
@