@ 
喺冬至呢個重要嘅傳統節日，東區關愛隊舉辦咗「冬至送暖•年年有『魚』東區關愛大行動」，為居民全心送上「鮮魚」，送上關懷！
21/12，民政及青年事務局 Home and Youth Affairs Bureau局長麥美娟喺東區民政專員兼東區關愛隊總指揮陳尚文、漁農自然護理署署長黎堅明陪同下到訪明華大廈關愛老友記同有需要嘅朋友，了解佢哋嘅日常生活。局長仲親自派發禮品包，裡面有嚟自漁護署東龍洲魚類養殖區現代化海產養殖示範場嘅優質鮮魚，配有豉油同蠔油，以及冬菇湯包等，畀大家可以煮出美味嘅冬至大餐，感受節日嘅喜悅。
好多謝漁護署提供過千條優質鮮魚，以及東區各界關愛及發展基金會贊助禮物包。喺冬至前夕，專員、漁農自然護理署助理署長(漁業及海洋護理)朱振華、東區各界關愛及發展基金會會長兼執行委員會理事長蔡志忠，連同35隊東區關愛隊亦舉行咗啟動禮。
活動中每一個探訪都窩心又溫馨，令呢個冬至充滿愛同關懷！ 希望透過今次活動，大家都感受到「東區關愛傳滿屋」嘅關愛精神，共度一個至warm嘅冬至啦！
祝大家冬至快樂，團圓幸福，年年有「魚」！
