@ 
東區民政專員陳尚文聯同東區青年社區建設委員會主席李德權及一眾委員18/12)北角「油街實現」參觀。感謝館長馬佩婷及同事為大家作導賞介紹喺1908年落成嘅「油街實現」紅磚瓦頂二級歷史建築，曾經亦係位處海邊嘅遊艇會會所。經藝術推廣辦事處籌劃活化修復，現發展成為深受市民喜愛嘅社區藝術空間。大家仲欣賞咗個展覽，包括呈現陶瓷之美嘅「陶人新語—穿越時空的色彩實驗」展區、以油街倉庫「分隔」又「貫通」建築特色為靈感嘅 「五臟」展覽，以及探索黎明時分城市景觀嘅「花晨月夕」展覽，大家深深感受到「油街實現」展現繁忙城市裏藝術與歷史交織嘅獨特魅力，每一個角落都充滿驚喜，係絕佳嘅打卡影相景點。
參觀行程完畢後，委員隨即返到會議室進行東區青年社區建設委員會會議，就東區走廊下之行人板道(西段)及食環署「東健道公廁美化工程」外牆設計提供寶貴意見。
順帶一提，東區走廊下之行人板道全長約2.2公里，油街至糖水道為西段(長約0.7公里)，電照街至海裕街則為東段(長約1.1公里)，兩段之間由北角海濱花園連接(長約0.4公里)。板道西工程將於今年底至明年初完成，而東段工程預計於下年年底完成。東區民政處會以東區吉祥物東東為主題，設計東區行人板道西段6組橋墩貼紙 ，大家遲啲黎東區遊玩又可以有多一個靚靚打卡位置啦。
