@ 
2024 深水埗區防災應急嘉年華暨長沙灣消防局及救護站開放日上星期六（21/12）喺長沙灣遊樂場圓滿舉行。整個活動出席人次過萬，打破過往紀錄，為冬至日增添氣氛！
雖然天氣好凍，但現場氣氛熱鬧！消防處儀仗隊首先上台展示國旗及區旗，然後有消防員喺模擬火警之中示範救火，用雲梯拯救受困者！大人小朋友都拍哂手掌。
現場設有多個特色攤位，有模擬攀爬體驗、兒童消防制服攝影區、兒童吹氣彈床、滅火狗同消防車輛展示等等！參加者仲可以欣賞舞台表演，包括鼓樂、雜技、學生歌舞、兒童合唱團、跆拳道
同花式跳繩等。
同花式跳繩等。大家盡興之餘，亦學到唔少消防安全同防災應急嘅知識，過咗一個愉快亦有意義嘅冬至，滿載而歸！
活動由深水埗區防火委員會舉辦。署理保安局局長卓孝業、深水埗民政專員黃昕然、消防處社區應急先鋒名譽會長會（深水埗區）主席陳東、消防處九龍西區指揮官江偉忠、消防處九龍西及大嶼山助理救護總長唐思豪，擔任主禮嘉賓為活動剪綵開幕。
@ 