@ 
又到聖誕又到聖誕，中西區民政處陪你共度佳節，為大家喺中環至半山自動扶手電梯布置咗靚靚嘅聖誕新年燈飾喇！
中環至半山自動扶手電梯係區內重要嘅市民出行系統，每日都有唔少市民使用。中西區民政處喺聖誕新年佳節期間為扶梯系統裝上絢麗奪目嘅燈飾同聖誕掛飾，仲喺大館對出嘅行人天橋位置新裝上16米長嘅大型聖誕霓虹燈牌！希望可以同廣大市民分享佳節喜悅，無論係同家人定朋友嚟到都一定會感受到濃厚節日氣息同中西區嘅節慶魅力。
今個冬日一於約埋親朋摯愛嚟影相打卡，一齊嚟影低美麗難忘嘅時刻，同親友分享呢份喜悅啦！
慶祝中華人民共和國成立七十五周年及第十四屆中西區區節系列 – 2024-2025年度中環至半山自動扶手電梯系統節日燈飾
你或有興趣的文章
@ 